امروز : شنبه ۲۵ خرداد ۱۳۹۸
تاریخ : ۱۳۹۸/۰۳/۲۵ - ۸:۰۷ ذخیره فایل ارسال به دوستان

اونون قانونوندا عدالته باخ!

حیات نه شیرین دی! آی “وطن اوغلو”!
باخدیقجا “بهمن”ین گؤزلری دولو
حئییف! عوُمور آدلی بو گؤزل یولو،
قانمایان دا گئدیر قانان دا گئدیر…

شاعر : #موسی_پور

🔸حیات یئنیش_یوخوش بیر یولا بنزر
شاعیر ده، عالیم ده، نادان دا گئدیر
بیزه نعمت وئرن تورپاق آلتینا
میلیون-میلیون اینسان بیر آندا گئدیر

بو گوندن صاباحا وئرمه ییر ماجال
یاخشی_یامان قانمیر اینصافسیز اجل
واختی کی یئتیشدی سسله ییر کی: “گل”!
اوندا خان دا گئدیر خاقان دا گئدیر

اونون قانونوندا عدالته باخ!
مزاردا هئچ کیمه یاندیرمیر چیراق
کیملییین سوروشمور او قارا تورپاق
اورا خان دا گئدیر چوبان دا گئدیر

حیات نه شیرین دی! آی “وطن اوغلو”!
باخدیقجا “بهمن”ین گؤزلری دولو
حئییف! عوُمور آدلی بو گؤزل یولو،
قانمایان دا گئدیر قانان دا گئدیر…

#بهمن_وطن_اوغلو

https://t.me/xalgh

ارسال دیدگاه