بیت اله احمدی فعال رسانه ای
کالابرگ؛ باهالیقدان دالی قالان وعده!
دئییردیلر کی، بیر میلیون تومان کالابرگ وئریلسین، باهالیقین بیر آزینین آغیرلیغی مردمین اوستوندن گؤتورولسون.
حتی دئییردیلر کی، ارزین قیمتی قالخسا، کالابرگین مبلغی ده آرتیریلسین.
آما بو وعده ده چوخ وعده‌لر کیمی، یاواش‌یاواش یاددان چیخدی.
کالابرگ اوزو ده باهالیق قافیلَسین‌دن دالی قالدی!
بو آرا‌دا اساسی مال‌لارین قیمتی و یاشام خرجی، گؤز‌آچان آرتدی، مردمین آلما قودرتی ده گون‌دن گونه آزالدی.
ایندی دانیشیلار کی، بعضی آداملارا و گروه‌لارا ۳۰۰ تا ۵۰۰ مین تومان آرتیم وئریلسین. آما او دا هله داها چوخ وعده‌یه اوخشاییر تا واقعیته.
دولت ده، مردم ده بیلیر کی، حتی بو پول وئریلسه ده، بو گونون خرجینین یانیندا چوخ آزدی. بیر بؤیوک باهالیقین اوستونه وورولموش کیچیک بیر یاماق کیمی‌دی.
آما درد، سادجه‌جه پولون آز اولماسی دئییل.
مردم او حالا دوشوبلر کی، عادی بیر درآمدله یاشاماق یئرینه، ائوینین آز ضروری احتیاج‌لاری اوچونده، گؤزلرینی دولتین بیر نچه یوز مین تومن کومَیینه تیکیبلَر.
بو آرتیق، حمایت دئییل؛
بو، سفره‌نین گون‌دن گونه کیچیلت مَسی، نیازلی آدام‌لارین صفینین داها دا اوزون اولماسی‌دی.
و شاید داها آغیر سوال بودور:
نئچه دفعه وعده وئرجَکسیز؟
مردم نئجه‌یه‌جک، صبر ائلییَجک؟
قیمت‌لر قالخاجاق، پولون قیمتی دؤشَجک و سونرا دا هَمین وعده‌نی تورم دان داها کیچیک بیر رقم‌لَه مردمین اوستونه قویاجاقسیز؟
قرار دییر کاسیبلیقی اداره الییب، سونرا دا آدینی «اجتماعی عدالت» قویاسیز!
