بیت اله احمدی
فعال رسانه ای و فعال مجازی
این مطلب به زبان آذری ترکی می باشد
مرندین نه یی خویدان کسیردیر؟
خویون شمس تبریزی بارگاهی و فرهنگی مجموعه‌سی آچیلیب.
بو ییغینجاقدا هنرمندلر، فرهنگی چهره‌لر و بیر نچه خارجی قوناقلاردا حاضیر اولوبلار. بو، خوی اوچون گؤزل بیر اتفاق‌دیر؛ آما آدامین آغلینا بیر سوال گَلیر:
مرندین خویدان نه‌یی کَسیردیر؟
تاریخیمیز وار، فرهنگیمیز وار، مشاهیر و ادیبلریمیز وار، میشو داغی‌میز وار، طبیعتیمیز وار، کند و ییلاق‌لاریمیز وار، حتی تبریز–اروپا یولونون اوستونده استراتژیک یئرلشمی‌میز وار.
بو‌لارین اوستونه، مرندین اوزوندن چیخان سرمایه‌سی، اهل قلمی، هنرمندی و فرهنگی آدام‌لاری دا آز دئییل.
آما سوال بودور:
بیز بولاری نه قدر دوزگون تانیدا بیلیر‌یک؟
خوی تاریخی بیر شخصیتین آدینی بیر مجموعه‌یه دؤنوشدوروب، اونون اطرافیندا فرهنگی و گردشگری بیر هویت یارادیر.
بیز ایسه هله ده چوخ وخت اوز تاریخی‌میزی، مشاهیر‌میزی و جاذبه‌لریمیزی بیر‌بیرین‌دن آیری تانیدیرماقلا مشغولوق.
مسئله فقط بودجه دئییل؛
مسئله باخیش، برنامه‌لی ایش و شهرین اوزونه اعتماد ائتمکدیر.
مرند اگر اوز تاریخینه، طبیعتینه و سرمایه‌سی‌نه دوزگون یاتیرم ائلسه، نه‌یه گردشگر گلمسین؟
نه‌یه بیر شمس تبریزی کیمی بیر شخصیت اطرافیندا فرهنگی بیر مجموعه یارادیلماسین؟
بو گون سوال وئرمه‌نین وختیدیر:
مرند نه اوچون هله ده اوز ظرفیتینین گؤره گؤرونمور؟
