فشارین چوخلوغونو هر نه یی تبدن گورورم

فشارین چوخلوغونو هر نه یی تبدن گورورم

گوزلویومدندی یا گوزدن یولو چپدن  گورورم؟!

گونشین گوزلرینی توتدو قارالمیش  گئجه لر

یا منیم عاغلیم آزیب  ظلمتی شبدن گورورم ؟!

هامیدان نسخه یئدیم شربتی قاتمیش زهره

یوخدو بیر ذره اثر  من تبی حب دن گورورم

دوشونوردوم بیر اوپوش حالیمی سهمانلاداجاق

پوزغون احوالی اینان من کی او لبدن گورورم

کیم سالیب دب بو ائلین ایچره ضمانت یولونی

جیبیمین یئرتیغینی بانکداکی دب دن گورورم

او قدر یورک قالییب چینیمه حمال حطب

سومویون فریادینی رفده کی ضبطدن گورورم

گوزلویوردوم گئجه نی بلکه سوکولسون اوره یی

قارانی آغدان آییرماقلیغی قبدن گورورم

بو سینیق سالخاق ائوین تک بیناسین دانلامایین

یئخیلیب یاتماغینی باشیله دیبدن گورورم

بار الها سنه کی فرق ائله مز اولدوره سن قالدیراسان

“باغیرین ” جانینی قورتارماغی رب دن گورورم

سیدباقرسجادی ( باغیر) ۲۴ / ۲/ ۱۴۰۲